BMW edhe zyrtarisht e ka prezantuar modelin e ri nga 6-Series Gran Coupe. Përveç pjesës “Gran” në emër dhe shtesës së dyerve, nga modeli standard Coupe, e dallon edhe 111 mm gjatësi më shumë.
Pasi BMW qysh më herët e ka prezantuar serinë koncept 6 me katër dyer, e cila njëherit ka paralajmëruar edhe ardhjen e një limuzine të këtillë në treg, zbulimi i modeli që shkon në prodhim nuk ka shkaktuar një eksitim aq të madh sa do të duhej.
Dizajn sportiv dhe tërheqës
Dizajni i jashtëm njihet qysh në shikim të parë dhe është gati identik me gjeneratën e re të Serisë 6 Coupe. Përveç shtesës së dy dyerve, risi janë edhe dritat Xenon dhe fellnet 18 inç nga alumini. Inovative në serinë e re të BMW-s 6 Gran Coupe, është edhe teknologjia e dritave, që janë në formë të Adaptive LED Headlights.
Ka qenë vetëm çështje kohësh kur “Mercedes” i nxitur nga paraqitja e parakohshme e fotografive do të reagonte dhe do të publikonte informacionet zyrtare të lidhura me gjeneratën e re, atë SL-së.
Modeli i ri SL, me emrin e koduar R321, deri tani si model i shtrenjtë sportiv kabriolet është parë si automobil për të zgjedhurit, ndërsa gjykuar sipas fotografive zyrtare kështu edhe do të mund të mbetet.
Është ky Mercedes-i i parë i prodhuar në pjesën më të madhe nga alumini që ofron peshë më të vogël për deri në 140 kilogramë. Pasojë është sjellja dukshëm më e shkathët e veturës, por edhe efekti më vogël negativ për kuletën e blerësve dhe për rrethinën.
Audi po lufton rrotë më rrotë me Mercesez Benz për të qenë kompania e dytë në botë për prodhimin e makinave pas BMË-së. Kompania e prodhimit të makinave Audi më në fund ka arritur të parakalojë Mercedez Benzin sa i takon shitjeve.
Kreu i kompanisë, Rupert Stadler ka bërë të ditur se “për herë të parë këtë vit Audi ka shitur më shumë makina se rivali i fortë Mercedes”.
Në 11 muajt e parë të këtij viti Audi ka shitur 1,193,110 makina ndërsa Mercedes 1,136,525 – raporton agjencia e lajmeve Reuters. Tani synimi është BMW, e cila qëndron në krye.
Në krahasim me vitin e kaluar shitjet për Audi janë rritur me 18%.
